أول مرة
آخد الأجازة وأنا راضي أوي عن سنة فاتت
الحمدلله
أول مرة
أعتبر إن الأجازة هتبقى بداية للطحن والعمل والمرواح والمجي
مش بداية للأنتخة والنوم والقعدة عالكمبيوتر والأكل والشرب والخروج
وبس
أول مرة
أبقى خايف الأجازة تخلص منغير ما ألحق أنجز كل الحاجات اللى قدامي
وابقى حاسس إن الدراسة كانت بالنسبة ليا
هي الأجازة
أول مرة
أضع طموحات كبيرة أوي في حياتي على أجازة صيف
واول مرة ادخل اجازة وعارف الحاجات اللى عليا
مش لسة هبدأ افكر أعمل ايه في كل وقت الفراغ ده
أول مرة
أفكر امتى هعرف أقابل اصحابي وقرايبي وإخوانى في وسط كل زحمة العمل
مش امتى هشتغل واتعب في وسط كل اوقات الفراغ
أول مرة
ابقى خايف أوي أوي من اللى أنا مقدم عليه
يا ترى هنجح فيه وهقدر أحقق فيه إنجاز كويس
ولا مش معقول واحد يحقق إنجاز كبير منغير ما يتبهدل في الأول ويطلع عينه
أول مرة
أحس إنى محتاج دعاء كل ذكر مسلم بالغ عاقل عرفته في حياتي
ودعاء برضه كل ذكر مسلم مش بالغ مش عاقل
يا رب يسر لنا ووفقنا
واكتب لنا الخير وكن معنا
واجعل هذا الصيف في ميزان حسناتنا يا رب العالمين
قولوا
آمييين
هناك 11 تعليقًا:
بص يا حمادة .... هو نظرا لأن في ارتباط شرطي وجزائي وكل حاجة ... بين مشاريعي ومشاريعك .. اقولك .. آمين
بس ... في ... حاجة ... يا .. ريت ... توضحها ... هو ... ليه ... كل ... ذكر ... بس .... ليه ... مش ... كل ... ذكر ...و ... أنثى
وده ... ... سؤال .... برئ
ربا يوفقك يارب
ويوفق كل واحد ليه حلم جميل نفسه يحققه
أتمنى لك كل توفيق
و أسألك الدعاء
و أنا سأدعو لك في السفر
علي زلط
أبو رفعت بجد وحشتنى أوى أوى أوى و بشدة و بعنف مع قصر مدة الغياب و ربنا يوفقك و يعينك و يرزقك الخير انشاء الله و والله وحشتنى بعنف أوى
و احب اسألك سؤال اتشرف بإن أ\أحمد شلبى يكون سأله قبلى
لييييييييييييييييييييه كل ذكر بس لييييييييييييييييييييييييييه؟؟؟؟
و بردو أقول سؤال برىء والله يا أخى
رفقاء سوء
ملفتش الانتباه فى التدوينه الطويله العريضه دى غير كده
:D
ربنا يعزكوا
بالنسبه للاجازه دى
هتبقى ارخم اجازه ممكن تعدى عليا
اول مره اقضيها من غير بابا
كنت بقعد انا وهو اول يوم فى الاجازه نعمل البرنامج
كنا بنحدد كل يوم بالساعه والدقيقه
ووقت المصيف ووقت الخروج ووقت المذاكره للسنه اللى بعدها
ربنا يرحمه ويجمعنى بيه فى الجنه
بالمره بقى انا بطلب من كل انسان(ذكر وانثى عشان الناس متزعلش ) انه يدعيلى عشان انا حالتى النفسويه تحت الصفر واجازه ممله من اولها
سلام عليكم
اه قبل منسى فى تاج مبعوت للمدونه دى من مدونه مسلمه
سلام عليكم
السلام عليكم يا بشريين
أيه الأخبارات
معلش
دي اسرع تدوينة عملتها
قعدت يوم واحد بس عالشبكة
ونزلت اللي بعدها على طول
يلا الحمدلله
..........
ابن شلبي تكعيب
إزيك يا إبني
إزاي يا أحمد تسأل سؤال زي ده
طبعا يا اخي
علشان الاختلاط الغير مشروع يا أخي
ومنعا للتعامل بين الرجل والنساء يا أخ أحمد لكي لا نفتح بابا للفتنة إن شاء الله
والدعاء يا أخ أحمد بيجيب ارتباط قلبي بين الرجال والنساء يا أخي
لذلك
فلا يجوز الاستعانة إن شاء الله يا اخ أحمد بالنساء من اجل الدعاء
وأنا مش واخد زي ما انت عارف برأي الإمام البحبحاني اللى قال في فتواه الشهيرة
"يجوز للرجل أن يصافح المرأة ويقبلها طالما كان ذلك لحاجة او ضروة إن شاء الله"
أهم حاجة انت كويس؟؟
........
هبة
ربنا يكرمك ويجزيكي خير ويتقبل دعاءك
......
الكبييييييييييير
الكبييييييييير أوي
اللى أنا محرج منه آخر حاجة
الراجل الذي اخترق الحجب
وأشهر حفي في العالم
ونجم الواشنطن بوست والنيوز ويك والتايمز
ربنا يتقبل منك
وإوعى تنسانا لما تقابل بلير
وادعيلنا معاك
.......
سمر
أهلا بيكي في المدونة من جديد
بس ايه موضوع رفقاء السوء ده؟؟
وجزيتي خيرا على التاج
انا كنت فاكركوا بطلتوا تدخلوا هنا عالمدونة
السلام عليكم ان شاء الله ربنا هيوفقك يا محمد و يوفقنا كلنا فى الشغل اللى احنا داخلينه باذن الله المهم النيه الكويسة و الاجتهاد و طبعا التوكل على الله و ربنا يقدرنا ياسمين سعد
السلام عليكم ورحمه الله وبركاته
ربنا معاك يا محمد ومعانا كلنا
وان شاء الله نعمل كل الى احنا عاوزينه فى الاجازه
بس ممكن اسالك على حاجه
ايه العلاقه بين الدعاء والاختلاط؟؟؟؟؟؟؟؟؟
السلام عليكم ورحمة الله وبركاته
ألف مليووون مبروووك على المدونه وعلى الأجازه
وربنا يوفقك ومتبقاش اخر مره بإذن الله
واليسلام خير ختام
غروب وشروق
Nice topic,but to be more beneficial.whats that kind of projects that we can do at vacation as student at mass comm also..
السلام عليكم ورحمة الله وبركاته
أهلا بدفعة التعليقات التانية بالرغم من إن التدوينة عدت خلاص
.........
ياسمين سعد
ربنا يكرمك على الدعاء والتذكرة وربنا يتثبل منا إن شاء الله كلنا
........
مروة
شكرا عالمرور وربنا يكرمك
أما عن موضوع الدعاء والاختلاط
لأ طبعا
أنا بس برد على أحمد بسخرية مش أكتر
مش بتكلم جد طبعا
ولو قريتي التعليق كويس هتلاقي ده ملحوظ جدا
عامل زي لغة أفلام عادل إمام
.......
غروب وشروق
الله يبارك فيكي ويباركلك
وربنا يكرمك على المرور ويستجب دعاءك
....
أما بقى عن الزميل/ة الأخير
في حاجات كتير ممكن تتعمل في الصيف كطالب في كلية إعلام
لو انت/ي قسم صحافة
ممكن تنزل/ي تتدرب/ي في أي جرنان كويس ومحترم في مصر وتشوف/ي بنفسك الجرنمان بيتم إصداره إزاي وصياغة الخبر والتحقيقات والحوارات والمقالات
وتشوف/ي الوظائق النختلفى اللي بتتم من اول المحررين للديسك للإخراج....إلخ
حاجات كتير أوي مفيد جدا إنها تتعرف من الأول دل ما نوصل لحد سنة رابعة ومشفناش غير المناهج الغير كافية وغير مجدية
ولو قسم إذاعة نفس الكلام
ننزل ندور على فرص تدريب في أي مكان كويس سواء تدريب على التقديم أو الإعداد أو التصوير أو الإخراج أو التعامل مع الاستوديوهات
ولو مفيش تدريب
يبقى دورات في نفس المجال في أماكن كويسة
وهكذا قسم الدعاية والإعلان نفس الكلام
وما أكثر شركات الدعاية والإعلان
لكن المهم
إن محدش يقعد في بيتهم أبدا
ورنا يكرمكوا
إرسال تعليق