ياااااااااااااااااااااااااااااااااااااااااااااه
خبر عظيم فظيع رهيب سعيد تامر
كان من اسعد الأخبار اللي سمعتها اليومين اللي فاتوا
خبر خروج مصعب حبيبي من المعتقل
اللهم لك الحمد حمدا كثيرا طيبا مباركا فيه
...............
نظرا لطبيعة الموقف فإن مصعب قد بدل رقم محموله بعد ما خرج
والحمدلله لقيت نمرته الجديدة مع أحدهم
أنا: السلام عليكم
مصعب: وعليكم السلام ورحمة الله
أنا: تصدق إنك بشموهندز مش تمام
مصعب: ليه بس كدة؟؟
أنا: يعني تخرج منغير ما تضربلي تليفون تقولي إنك خرجت....بجد مش تمام خالص
مصعب: ياااااااااااااااه....ابن رفعت ..طب تصدق والله كنت هكلمك النهاردة الصبح
أنا: يا راجل بلا بتاع بقى وعاملي شاب أخوّة والحرية لمصعب وبتاع....يا راجل اجري
مصعب: لا والله يا حبي كنت هكلمك ...حتى علشان أعزمك على فرح أختي يوم الجمعة
أنا: بتهرج ...يااااه مبرووووك...يعني هنتقابل الجمعة
مصعب: اه طبعا لازم تيجي ...في حديقة الحصري عندنا في 6 أكتوبر الساعة 8
أنا: خلاص إن شاء الله....معادنا الجمعة...تؤمرني بحاجة يا بشمو
مصعب: لا يا حبيبي ربنا يكرمك في انتظارك بقى لازم تيجي والله واحشني جدا
..........................
وانا رايح في الطريق حاجة غريبة كانت بتحصل كدة سبحان الله
والله حسيت بإحساس داخلي بحاجة كدة من اللي هي بتتنطط دي عارفينها؟؟
ولما نزلت من الميكروباص في ميدان الحصري واتجهت ماشيا تجاه مكان الفرح كنت والله حاسس إحساس
الواحد محسهوش من زماااااااااان
أكني رايح أقابل بنت بحبها
:) :)
!!!بجد والله كنت بمد في الخطوات واختي ماشية جنبي قالتلي: هو مينفعش نمشي أبطأ من كدة شويةّّّ
أول ما دخلت الفرح أول واحد شفتوا من بعيد كان هو
لقيته واقف بيصلي العشاء
قلت لأختي: مصعب أهو
هي: فين؟؟
أنا: أهو يا بنتي واقف بيصلي
هي: أه ...ياااه
دخلت صليت العشاء وأول ما سلمت رحت رايحله وعلى وشي ابتسامة أوسع من مقاس جزمتي
أول ماشافني قاللي: ابن رفعااااااات...مش ممكن
حضن كبيييييييييييييييييييييييييييييييييييييييييير
حصل في وسط الفرح
وأثناء هذا الحضن العميق دار حوار من حوارات زماااااااااان مع مصعب
هو: إزيك يا واد واحشني جدا
انا: انت أكتر والله يا مصعب
هو: أخبارك أيه وأخبار إعلام أيه
أنا: تمام الحمدلله زي الفل
هو (بصوت خفيض): وأخبار بنات إعلام أيه
وهنا راح معدي واحد حبيبنا قاّلنا بصوت جهوري في وسط الفرح
هبببااااااااااااااااااااا......سمعت كل حاااااااااجة
....والله سمعت...هبببباااااااااااا
(أيه يا عم يخرب بيت شيطانك؟؟ أيه التشريد ده....الراجل بيهرج معايا يا أخي...الله؟؟)
..................
كان يوم جميل أوي أوي
ربنا يبارك لأختك يا مصعب ولزوجها ويبارك عليهما ويجمع بينهما في الخير
ويجعل بيتهم بيتا يراه رسول الله فيسعد به
لكن أصعب حاجة هتمر على أختك
إنها تلاقي نفسها بعيدة عنك فجأة كدة يا مصعوووووووب
يااااااااااااه....إحساس وحش أوي
بجد صعبانة عليا أوي
حد يكون معاك كدة على طول ويتجوز ويسيبك يا مان
بس يلا....هكذا الدنيا يا صاحبي
...............
أنا قلت برضه واجب قبل ما أمشي
أخد صورة معاه علشان تبقى ذكرى بنت حلال
بس غالبا اللي هيشوف الصورة هيفتكر إن انا اللي كنت في السجن مش هو
لأنه زي ما انتوا شايفين كدة مصعب متلمع آخر حاجة
!!!أما أنا كان شكلي في الصورة طالع من بق كلب مش عارف ليه
يمكن علشان مش حالق....ممم
أو يجوز لأني قلت بلا بدلة بلا بتاع يا راجل في الحر ده
مممم
ما علينا
المهم إن مصعب خرج.....وربنا يتقبل منك يا بشمو
وعقبال ملهم وأحمد وهيكل ورامي.....وربنا يتقبل منكوا كلكوا يا مينز
هناك 18 تعليقًا:
السلام عليكم
والله العظيم مش عرفه ليه كنت حسه ان المفاجاه ان مصعب خرج من السجن بالسلامه
على العموم الحمد لله انه خرج وعقبل كل البقيين وربنا معاهم
سلام
ياااااااه
والله العظيم فرحت جدددددددا بالخبر
الجمييييييييل ده ... بقالى كتير
ماسمعتش اخبار حلوة زى كدة..
الحمد لله على سلامتك يا مصعب
وربنا يفك اسرهم جميعا
ومبروك لأختك... وعقبالك انت و خطيبتك
ان شاء الله
والف مبروك يا محمد ان ربنا جمعك تانى
بأعز اصحابك
وسلام عليكم
مبروك لخروج الاخ مصعب
ومبروك لاخته
وعقبالكم كلكم :)
ماشاء الله اخبار جميلة
ماشاء الله المواقف اللى حضرتك حكيتها لذيذة
ربنا يديم عليكم المحبة فيه
حليب قلبى مصاعيبوا
الف مبروك لاختك ولمحمد رأفت
ربنا يبارك ليهم ويبارك عليهم ويجمع بينهم على خير دائما
وعقبالك حبيب قلبى
عقبال ما نشيلك زى محمد ونقع بيك :D
المهم واحنا بنقول الشعار
وده واقف ورا محمد رأفت وعامل السيفين
اصله ناقص يسافر سفرية جامدة على رأي محمد
عقبال ما ازفك يا حبيبي انت وابن رفعت فى يوم واحد باذن الله
مبروووووووووووووووووووووووووووك
السلام عليكم ورحمة الله وبركاته
إزيكوا يا بشرز ؟؟
أهلا أهلا بالمعلقين
........
وعليكم السلام ورحمة الله وبركاته
الحمدلله إحساسك طلع في محله ومصعب طلع
ربنا يكرمه فعلا
ومصعب ده فعلا من الناس اللي يتقال عليهم خادم القوم سيدهم بجد
عالعموم
جزيتي خيرا على مرورك دوما
........
خلود
مرحب بيكي في التدوينة الجديدة
والحمدلله إن كلنا سمعنا الخبر ده
وربنا يبارك فيكي ويكرمك
........
بحب الحق
أهلا بيكي لأول مرة في مطبات
ربنا يكرمك ويجزيكي خير
......
عمر الجارحي
نجم الفرح امبارح
الرجل الذي لا بأس به
كبير 6 أكتوبر
وكبير الحي ال8 أو 6 أو 11 مش عارف والله انت ساكن فين
الرجل الذي بنور المدونة للمرة الأولى بتعليقه
الرجل الذي مش عارف أيه
الكبير أوي
الإرهابي المتطرف
والإخواني المحظور
والمش عارف أيه تاني
مش لاقي ألقاب تانية أقولها يا برنس
ويلا مش مهم
وبعدين تزف مين يا خويا مع مصعب في يوم واحد؟؟
يا بني مصعب خلاص من زمان
ربنا معاك
:S
الف الف مبروك على خروج مصعب ومبروك لاخته
ربنا يوفقكم كلكم ويحميكم
3o2bal ba2y el nas el 7elwa elle metta5da
السلام عليكم ورحمة الله وبركاته
ألف مليوووووووون مبرووووووك
على الأحداث اسعيده دى
وإن شاء الله تتجمعوا فى الفرح دايما
والسلام خير ختام
غروب وشروق
يعني سبحان الله المفروض كنت اكون مع مصعب في الحبسة دي
بس الحمد لله جت سليمه
وبرضه المفروض كنت اكون في الفرح بس معرفتش غير قبليه بساعتين من احمد علاء
وكان عندي ميعاد مهم جدا لدرجه قلتله روح استاذن من المسئل اهه هناك
وهو اللي مرحش
الحمد لله مكنش ليا نصيب اشفكم
بس الف مبروك يا عم مصعب
ومبرو ك لاختك
وادي دفعة كمان اهيه من المزمرين اصحاب الفولكسات والمرسيدسات واللذي منه
.........
اسامة الرشيدي
الراجل المصاب بحالة كتابة
بس المرة دي شكلك ملكش نفس
وخير التعليق ما قل وكفى
الله يبارك فيك يا برنس الليل
مش عارف أيه الفاظ السوقية اللي انتوا علمتوهاني دي
لما كنت في هندسة مكنتش كدة كنت ابن ناس أوي
انتوا صيعتوني زي عاطف
........
ريم
أهلا بيكي من جديد في المدونة
وربنا يكرمك ويحميكي ويتقبل منك
الله يبارك فيكي
.....
akram
cream on u
........
غروب وشروق
أهلا بيكي في التدوية
والله يبارك فيكي ويكرمك
وجزيتي خيرا على المرور الكريم
......
إسلام
البشموهدز الكبير
يا باشا مش المفروض تكون معاهم ولا حاجة
مكتوبلك في الوح المحفوظ يوم أن كان آدم مجندل في طينته إنك مش هتطلع معاهم
ولا هتروح الفرح
ولا هتتاخ
ولا هتتمسك
ولا هيتكتب الحرية لإسلام أبو العلا
متزعلش يا عم
ياااااه ازيك يا ايها الأعلامى رفعت واحشنى والله والف مبروك على خروج مصعب من السجن وبالنسبة للصورة اعتقد انك اسمريت شوية بس انتا لسه moon
الف مبروك لخروج مصعب من السجن
لولولولولولولوليي
عودة مرة اخرى لقبول التهاني
بخرزج مصعب ابن الشهيد
......
خالد زكي
إزيك يا شاب؟؟
عامل ايه أيها المانجوبولي
الله يبارك فيك يا باشا
والظاهر إني اسمريت فعلا من كتر الفحت في الشمس
بس على رأيك لسة
mooooooon
:)
........
غير معروفـ\ـة
الله يبارك فيكـ\ ـي
وجزيتم خيرا جدا على المرور
......
هشااااااااااااااام
الراجل صاحب المدونة العظيمة
عامل أيه يا بني
فينك من زماااااان
واحشني يا كابتن
نورت التدوينة يا رجل
......
ولازلنا في انتظار نور كبير أوي ينور التدوينة
بس شكله بيتقل بس
السلام عليكم و رحمة الله و بركاته
شفت الدتوينة دي من يوميها و كنت عايزة أرد
بس قلت بلاش رخامة على الناس
بس مابدهاش بقى
أول حاجة
هو مش حضرتك في إعلام برضة يا أستاذ محمد ؟؟
عندكم حاجة اسمها سبق اعلامي و حاجات كدة
خبر خروج الأخوة بالسلامة على النت من يوم ما خرجوا
و كنت منتظرة حضرتك تكتب حاجة من ساعتها
يلا مشكلة
تاني حاجة بقى
هو الفرح كان الساعة 8 برضة
هو العشاء بتدن على كام في ستة اكتوبر ؟؟
فرق التوقيت برضة
مش مشكلة برضة
طبعاً واحدة في رخامتي كنا حقها تعلق على الصورة
بس بلاش رخامة على الناس
معلش استحملنا يا أستاذ محمد ... أخواتك الصغيرين برضة
: D
كلام جد بقى
أسأل الله أن يديم حبكم فيه
و أن يدخلكم الجنة زمرا
و أن يرزقكم سوياً جيرة نبيه محمد صلى الله عليه و سلم في الفردو الأعلى
حمداً لله على سلامة الباشمهندس
و ألف مبروك لزفاف أخته
أختنا جنين
معلش شفت تعليقك متأخر
.........
بالنسبة لموضوع السبق الإعلامي
انا مرضتش اعمل التدوينة غلا لما أقابل مصعب بنفسي وأقعد معاه
واتصور معاه كمان
اما عن صلاة العشاء
فانا رحت متأخر فوصلت على العشاء
........
ربنا يكرمك على مرورك الكريم
وينفع بيكي
ويستجيب دعاءك
ياااااااااا
نفس الوقت السنه الى فاتت تقريبا
فعلا خادم اقوم سيدهم وانت سيدهم ربنا يفك اسرك وتخرج بالسلامه
إرسال تعليق