صورة الخبر في المصري اليومعدد اليوم السبت 20 اكتوبر
...........
اللي جرا
.
في برنامج (مانع وممنوع) الذي تم عرض حلقاته في رمضان المنصرم
استضافت الإعلامية (لميس الحديدي) رئيس حزب التجمع الدكتور
المهم
في الحلقة تناول الدكتور (رفعت السعيد) تاريخه النضالي العظيم الجبار
وأخذ يسرد على مسامعنا حكايات اعتقاله في عام 77
إذ حكى عن نفسه أنه تم حبسه داخل السجن الانفرادي حتى كاد يصاب بالجنون
حتى أنه صاحب ( النمل) من فرط وحدته ووحشته
.
بابي
.
رفعت بيومي وفي رواية أخرى بابي
كان - بعيد عنكو- مطلوب القبض عليه في 77
علشان هو كان بيعمل حاجات مش كويسة أيام الجامعة
وكان بيسعى لقلب نظام الحكم
وكان راجل إرهابي كدة بعيد عنكو وعن السامعين
المهم
بابي لما لقى نفسه هيتقبض عليه راح هربان من البيت كدة لفترة من الزمان
وبما إن الأمن كان لازم يقبض على أي حد علشان يقول تمام يا فندم
راح ماسك واحد كدة تاني اسمه رفعت السعيد بيومي
قاللك والله ما بتفرق معانا الأسماء
.
وفي النيابة
.
لما عمو رفعت السعيد - اللي هو دلوقتي رئيس حزب التجمع - أخدوه عالنيابة
لقوا هناك إن مش هو اللي مطلوب فروحوه بيتهم
وقالولوا يلا يا عم جت سليمة
وراح عمو رفعت واخد بعضه وروح بيته
.
الكذّاب
.
لما بابي عرف حكايات رفعت السعيد العظيمة عن نفسه داخل السجن في 77
كان هيجيله مرض يصعب توصيفه
وحصلتله حالة من الفقع المغولي على إثر تصريحات الدكتور السعيد
وراح باعت للمصري اليوم القصة الحقيقة
اللي لا اتحبس فيها السعيد انفراديا
ولا صاحب النمل ولا الضفادع
وبعدها
رجع اليومين دول ينسب لنفسه البطولات المجيدة الفخيمة
باعتباره مناضل قديم واهلاوي صميم وزملكاوي فخيم
وبيشجع حمادة إمام ويرشح صالح سليم
ويلا مش مهم
على قد ما الموضوع مش كبير
بس الواحد برضه بيحصله حالة إشباعية عجيبة
لما بيلاقي واحد زي رفعت السعيد ده
يبان كذبه وتضليله قدام الناس
وشكرا للمصري اليوم
>>>
لقراءة الخبر من على موقع المصري اليوم الإلكتروني
هناك 8 تعليقات:
واللة بلوج جامد ومجهود اكثر من رائع
القصة الكاملة رواها لى السيد الوالد لما كنا مع بعض فى القطارة, ابقى بلغة سلامى وخلية يبقى يزورنى على (السى جل) وعلى فكرة الاعلام عاملة اية معاك, ودخلت قسم اية؟ عموما اكرر لك ,اعجابى بمجهودك وصدقك
عادل الجزار
بجد بقى ..كل اللى هاممنى فى الموضوع
الخطوة اللى اخدها عمو رفعت بيومى
والأدلاء بالحقيقة للمصرى اليوم
وتجريسه لتلك الشخصية التى تستحق
التجررررريس
تحية كبيرة لعمو رفعت و الله
السلام عليكم انا لما دخلت الكلية كنت فاكره الناس كلها ملايكة لكن اتضحلى ان فى كمان نوع من الناس مش ملايكة علشان كده مبقتش اثق فى حد مش علشان كل الناس وحشين بس علشان الكذب اللى هو اخطر مرض بيواجهنا فى دنيتنا فده بقه طبيعى دلؤت علشان كده مش لازم نصدق اى حد بسرعة اذا حد طلع و عمل حاجة كويسه لنفسه وحشة برضه لنفسه لكن قدوتنا مناخدهاش منهم و يارب نخلص من المرض ده علشان ده اكتر حاجة بتتعبنى ياسمين سعد
بسم الله الرحمن الرحيم
بعد الصلاة والسلام على الحبيب المصطفى
السلام عليكم ورحمة الله وبركاته
..........................
عجبت لكم أيها القوم
لما يبقى في واحد مناضل وبيقول كلمة الحق وتحصله في يوم كبوة ويعتقل مثلا
يقولك ده فاشل ومش عارف حاجة ومش فاهم حاجة
أيام حكم النظام اللي تم فيه الاعتقال
وبعد ما النظام أو لنقل الحاكم في ذلك الوقت يمشي ويأتي حاكم جديد
فيصبح من دواعي سرور كل الناس التملق للحاكم الجديد بذكر مساوئ القديم
ويدعون ما ليس لهم
ويقولون على كا كانوا ينعتونه بالأمس عارا
شرفا
دلوقتي بقى الإنسان اللي يتمو اعتقاله شرف لكم
هو شرفا بهم أو من غيرهم............ولكن عجبت لكم
عجبت
وقول لعمو............لا تحزن
كلنا مفقووووووووووووووعون
ولكن الله معنا سينصرنا إن شاء الله
والسلام عليكم ورحمة الله وبركاته
يارفعت يا جنى لا لا لا لا متقلش و أنا اللى كنت فاكرك انت بس الإرهابى طلعت العيلة كلها يا عم بس بجد بابى بتاعك عمل حركة جامدة مووووز ميعملهاش غير الناس الجدعان يعنى اللى مابيخافوش من حد زى الأستاذ رفعت بيومى دلوقتى يا رفعت عرفت انت طالع لمين بس بجد تانى أبوكا طلع نجم كبيييير و خللى كل واحد فى عايش فى دور الشاب السياسى اللى بيعتقل يعرف مقامه بقى و يبطل انه يعيش فى الدور زمان شكل البوب رفعت السعيد بتاع حذب التفرق مثخرة متحركة دا ان مكنش اللى هوا عمله دا عيب على مركذة يبقى عيب على سنة على رأى الراجل الجامد أوى عجايب
السلام عليكم ورحمه الله
تدوينه متميزه اوى فعلا وتحيه كبيره اوى لعمو رفعت
ىراترلا
مرحبا
انا واحد برضه من اللى مفقوع مرارتهم من بيومى بتاع التجمع واسمى محمد منير وكنت صحفى فى الاهالى وعضو مجلس ادارة منتخي وشفت بيومى وهو بيكذب كذب ابشع من كذبة 1977 / لكن اللى متعرفهوش انه من الصعب اثيات كذبة ليس لأنه بارع أو حاذق وانما لانه يكذب بترتيب مع اجهزة على أعلى مستوى وهذه الاجهزة محتاجة انها تخليه زعيم سياسى ليكون بمثابة مصيدة وطابور خامس فى الحركة السياسية وهو بيقدم خدماته فى اكثر من مجال سواء فى الحركة الاسلامية أو مع اقباط المهجر أو مع الحكومة أو مع رجال الاعمال وكرماته كتيرة فى كل مجال آخرها الاعتراض على جريدة الشروق لحساب حسبة حكومية صغيرة احتاجوا فيها لعميل لهم فى المجلس الاعلى للصحافة واضطروا الى انتداب بيومى التجمع من مكتب اليسار فى امن الدولة.. ومن مشاهد الغزل الرقيع بين بيومى والحكومة المصرية ما بثته قناة دريم فى برنامجها الموجهه جدا العاشرة مساء عندما استضافت بيومى التجمع واستضافت عدلى وسمحت بمداخلة مدبرة مع عدلى حسين محافظ القليوبية الان ووكيل النيابة الذى مفترض انه حقق مع بيومى والضابط الذى قبض عليه آنذاك وتبادلوا عبارات الغزل الثقيل مابين اكتشافهم مبكرا انه زعيم سياسى وبين تفاخر بيومى التجمع انه عندما عارض الحكومة القت عليه عناصر الحكومة البونبونى اعجابا به ... بالذمه مش دى حاجة تفقع المرارة ويمكن اكتر من المراره
محمد منير
www.press4all.blogspot.com
إرسال تعليق