الثلاثاء، 24 أبريل 2007

تبا للاستروجين




تبا للاستروجين...!!

-ليه بس يا عم...ماله؟؟

عملك أيه عمك الاستروجين ده....؟؟
-لأ ما هو انا هقولك...العبرة مش فى الكلمة دي نفسها...لكن الموضوع إن العبارة السابقة "تبا للاستروجين" مرتبطة بثقافة مترسخة فى عقول كتيييير مننا...كتيير جدا
-أنا مش فاهم حاجة..!!

-هفهمك...بس اصبر عليا...واسمع الموضوع من الأول.
معظمنا...فى حياته بيحط لنفسه قناعات سابقة إن فى مشكلة عظيمة فى حياته, والمشكلة دي هي السبب الرئيسي فى إنه شاب موكوس وفاشل ومش تمام ومش عارف ينجح فى حاجة ولا عارف يتميز..
ونفس الشخص ده برضه...بيعتقد اعتقادا جازما وحاسما في أن المشكلة دي..هي الحاجة اللى جايباه لورا
واللى معطلاه دايما عن طريقه للنجاح وفى الانطلاق والعبور للمستقبل بفكر جديد ..

يعني من الآخر..
بيصنع لنفسه
((مطب)) ...
أه مطب بس كبير حبتين زى اللى فى الصورة دي كدة



والمطب ده مش دايما بيكون من صنع الإنسان نفسه...ساعات بيبقى من صنع الشيطان...هو بيصنعهوله علشان دايما يحسسه بالعجز وإن مفيش أمل قدامه...وإن عمره ما هيقدر يعدّي المطب ده..أبداااااااااا...!!

أكيد هتقولي...كلامك جميل

-لكن أيه علاقة ده بقى "بالإستروجين"

- ما قلتلك أصبر عليا يا عم المونجوبولّي...!!!

الحكاية وما فيها إن كان في واحد صاحبي طلعان عين أهله بسبب البنات...وحاسس إن مشكلة البنات فى حياته هي أعوص وأعمق وأفظع مشكلة على الإطلاق...

وعنده قناعة إن لولا البنات اللى فى العالم كان زمانه شيخ الأزهر...وكدة وبتاع

ولأن "الإستروجين" هو الهرمون الأنثوي الشهير..فقد اتخذ صاحبنا ده من الاستروجين عدوا له..وصارت عبارته الشهيرة التى يقولها كلما رأى فتاة كدة..."تبا للاستروجين".

وكلنا أخدنا منه الكلمة دي وبقت شعارنا فى كل حاجة..بنهرج بيها دايما..وبنصبّح بيها على بعض

..................


لما فكرت وتعمقت بقى بعنف في كلمة زي دي..لقيت إن الإنسان بجد وبعنف وبقوة..بيصنع لنفسه مشكلة (أو الشيطان بيصنعهاله) ولكن..الإنسنا هو اللى بيكبرها ويعظمها فى نظر نفسه ويوهم نفسه إنها أصبحت حقيقة واقعة فى حياته لا يمكن تغييرها نهائيا....زي كدة كروية الأرض, وسيولة المياه, وحسني مبارك وهزيمة الزمالك...كلها حقائق راسخة لا تتغير.

لكن من المستحيل إن الموضوع يكون كدة...لأن الله الذي خلق ليس بظالم لعباده..ومش ممكن يفرض على عباده حاجة لا قوة لهم بتغييرها.

ومن هنا فأنا أعتقد تماما إن قصة المطب الأعظم فى حياة كل منا ما هي إلا أسطورة إحنا صنعناها بإيدينا..وبإيدينا برضه نقدر نقضي عليها ونعديها...بس بشرط


ندوس بنزين شوية..وناخد المطب بعنف...وإن شاء الله العفشة ما هتتكسر ولا حاجة..

بالعكس...لما المطب ده بنعديه..بتلاقي العربية بقت أقوى ألف مرة من قبل كدة..وتبقى أقدر كتير على عبور مليون مطب أفظع منه بعد كدة

لكن ده برضه ميمنعش إننا لازم نقول فى النهاية ونعترف

"تبا للاستروجين"


هناك 20 تعليقًا:

Nahla Abdul Rahman يقول...

بسم الله الرحمن الرحيم
اللهم صلي على محمد وعلى آل محمد كما صليت على ابراهيم وعلى آل ابراهيم
السلام عليكم ورحمة الله وبركاته

بصراحة لم أكن أعرف معنى الاستروجين
يمكن لأني أدبي
مش مشكلة
أنا معاك9909999999%
أن احنا اللي بنضع المطبات ديه لأنفسنا
كان في مرة معلومة سمعتها مش فاكرة فين أو ليه؟؟؟؟ بس
هأقولها

ليه احنا ممكن نزعل من بعض
ليه الناس بتفرح من حاجة معينة

لأن كل واحد فينا بيتخيل حاجات من الشخص الذي أمامه (مطب)وعندما يحدث منه شئ ربما هو لا يقصده بمعناه نفهم ما يحلو لنا
وعندما يفعل شئ بالنسبة له أمر عادي نزعل منه

تخاريف صح

المهم اه مطب

لأن الناس بتحط لنفسها مطبات
تبني عليها أوهام وأحلام مش لها

ما علينا

في انتظار باقي المطبات
ان شاء الله


نهلة محمود
والله ولي التوفيق

AHMED REDA يقول...

sa
ref3at, God bless u

AHMED REDA يقول...

sa
ref3t God bless u

محمد رفعت يقول...

نهلة, جزاكى الله خيرا على تعلقيك

وأضيفي إلى معلوماتك كلمة الاستروجين
......

أحمد

بس كدة
انت داخل تقولى حفظك الرب

طب ما تقول انت مين
لأن فى مليون أحمد عايشين على وجه الأرض

اما إنك صحيح

m_elmenofy يقول...

يا سلاام رفعت باشا اقتحم عالم المدونات
مبروك يا ريس على المدونة و تقبل الله منا و منكم
اقى خلى بالك من "موبايلك" و مش عايز احرجك

wanted man يقول...

الى اخى فى الله رفعت حبييب قلبى

مطبات
مطبات
مطبات

كلمة جاااامدة طحن

حياتنا كلها مطبات

عيشتنا مطبات

مزاكرتنا مطبات


ولكن انا عندى اعتقاد ان احنا الى بنصنع المطبات دة ال جانب يساعد على تقويتها من الاخرين سواء كان الشيطان او غيرة او انسى او بشرى او جنى او اى حاجة


يعنى احنا فى الاول والاخر من وجهة نظرى ان احنا الى بنصنع المطبات والشيطان هو الى بيقوى المطب دة ويخلية اعلى واعلى ولا يجعلنا نستطيع عبورة ويمكن يخلينا كمان نيئس ودة حصلت معايا كتير لكن الحمد لله كنت الى حد ما بقدر اسيطر علبى دة


يارب يجعلنا نقدر نعبر مطبات حياتنا كلها


والسلام عليكم ورحمة الله وبركاتة

محمد رفعت يقول...

منوفي باشا..

نورت المدونة الكريمة

مع إنى والله ما أعرف انت مين

لا انت ولا الأخ wanted

عالعموم شرفتونى

مع إنى أفضل تقولوا انتوا مين يا جداعااان

مش هنحب بعض كدة عن بعد

هبة مدكور يقول...
أزال المؤلف هذا التعليق.
هبة مدكور يقول...

السلام عليكم ورحمة الله وبركاته........

جميل اوى يامحمد

نشاطك ابتدى يظهر اهو

يلا شد حيلك

ربنا معاك ويقويك ان شاء الله

nanoo يقول...

مبروك يا محمد على البلوج ويارب تبقى فتحه خير عليك وبالنسبه لموضوع المطبات اعتقد ان المطبات دي مش موجوده غير في عقولنا ولو فكرنا شويه هنلاقي مفيش اي مطبات غير افكارنا القديمه اللي في عقولنا المتحجرة
نيره

Hammad.. يقول...

Nice blog Mohammed , however i think u have to enjoy us with more and more topics ,

keep it up,

h-mostafa.blogspot.com

shab masry يقول...

مبروك يا ولدي على البلوج..
بس الله يكرمك ابعد عن الاستروجين والحاجات الغريبة دي وخليك في الكلام الذيذ المفهوم:D:D:D

عمك
براء الاناضولي
بتاع صناع و خطى والحاجات الغريبة دي;)

محمد رفعت يقول...

حمااااااااااااااااد

صديق عمري ورفيق رحلتي وشريك دعوتى وكل حاجة بنت حلال

إزيك يا وااااااااد؟؟

يا عم النبي عربي

ولا انت علشان دخلت جامعة الفرنجة نسيت أصلك يا رضواني

m_elmenofy يقول...

متعرفش انا مين يا تعبان...ولا يهمك
ما انت اصيل ..انت نسيت اتحاد الطلبة فى ثانوى
و نسيت مسجد الرواس
و نسيت خالد الظواهرى يا عفش
ماشى و لا يهمك
عمك منوفى

صرخة الأقصى يقول...

كلامك والله جي في وقته

ربنا يسهل كده والواحد يعرف يعدي شويه المطبات بتوع اليومين دول

عمرو طموح يقول...

بن رفعت...

أول مطب موفق...

و لو إني لما شوفت العنوان، قلت الواد هيهييس و تطلع أوت... و بقول للعبدو بس هو كاتب الموضوع جد... قاللي إزاي؟ لما رفعت يتكلم جد؟ مين يهييس؟

بس فكرة قوية الصراحة... بس مش المفروض تدوس بنزين جامد في المطب... خده بالراحة و حاسب علي العربية... متقفش قدامه، و متتهورش عليه، يعني هما طرفي نقيد لازم تتوسط بينهم... يا ريت تكون فاهم إسقاط ده علي موضوعك

و سلام يا صاحبي

محمد رفعت يقول...

هبة ونيرة

جزاكما الله خيرا على المرور...ولا توقفوا المرور من هنا أبدا إن شاء الله

..........

براااااااء ..مش ممكن

مع إنى قابلتك مرتين بس فى حياتي بس ما شاء الله عليك

عرفت تعتر فى مدونتى وجبتني برضه يا عبقري

مش ذنبي إنك متعرفش أفظع هرمون على وجه الأرض يا باشا

الاستروجين والبروجيسترون هما الهرمونان المدمران للبشرية وهما أقوى أثرا من هيروشيما وناجازاكي....يبقى إزاى متعرفهمش يا واد؟؟

...

منوفي...

أنا عرفتك يا إرهابي...بس أول مرة أعرف إنك منوفي

أنا كنت طول عمري عارف غن أبوك راجل مهم أوي فى البد وصاحب الريس الروح بالروح.

............

صرخة الأقصى

ربنا يكرمك وربنا ينفع بكلامنا ويتحول لأفعال إن شاء الله

.......

عمرو طموووح

أيه اللى خلاك تعتب المدونة بتاعتي يااااض

ليك عين توريني خلقتك بعد ما رفضت إنى أفرش جنبك فى مدونتك يا قليل الأخوة؟؟

ريهان يقول...

السلام عليكم ورحمة الله وبركاته

فى الأول انا مكنتش فهمه يعنى ايه الأستروجين
بس لما قرأت فهمت
وافتكرت السنه اللى فاتت عشان كنت حطه فى دماغى مطب كبير جدا وهو اننا عندى مشاكل فى شخصيتى بتمنعنى من التواصل مع الأخرين
وكبرت الموضوع وأخدت دورات فى جمعيه خيريه بخصوص الموضوع ده وكنت مقضيها كأبه

بس لما ظهرت النتيجة انشغلت فيها وفى التحويل لأنى كنت شايلة السنة ودخلت اعلام والحمد لله اتعرفت على ناس كتير وهما دلوقتى أقرب وأعز الناس ليا

فعايزه أقول ان كلامك منطقى %100
واحنا اللى بنحط المطبات ديه فى عقلنا
اسفه على الأطاله
وجزاكم الله خيرا

Hammad.. يقول...

eh ya abo ref3at
7ad yensa el redwan bardo

el moshkel enno el kombo maybktebsh 3arbi

mestani mawadee3ak el gaya

and dont forgt to pass by :

www.h-mostafa.blogspot.com

أكرم يعقوب يقول...

S3.Ya abo ref3at ya gamed begad rabena yebareklak we 3awzen men da keteer bas bardo msh hansa ma3ad yom el 5ames ln ansa laka haza abadan ya abo ref3at we a5eran 2a2ol تباً للأستروجين
redwane bardo bas masebtehas :)