الخميس، 14 يونيو 2007

العاجيّون




مترددون...متشككون...متخوفون...متذبذبون...حيارى...أو تائهون
أولئك هم ((العاجيّون)) الذين آثروا أن يظلوا في برجهم (العاجي) إلى أن يأتي فرج الله

يا فرج الله يا رب
.....................

تطرأ على حياتنا كثير من المتغيرات يوما بعد يوم , والعالم كله يتغير ويتعرض لموجات من التغيير ذي الإيقاع السريع

نتعرض في كل يوم إلى احتياجات جديدة في أفكارنا ووسائلنا وأداءنا وآلياتنا وكل أمورنا
يتغير الواقع من حولنا..فنحتاج لأن نكون معه أكثر مرونة وقابلية للتكيف
وإلا
فلن يصبح لنا مكانا في العالم أصلا....إلا إذا اعترفنا أننا قد آثرنا برجنا العاجي على أي مكان آخر على خريطة الأرض

........


هو فيه أيه....صح؟؟

الإنسان بطبيعته عدو ما يجهل, ولذلك فهو خائف من المجهول أو مما سبق أن فشل في عمله
ولذلك
فقد توجد بيننا شخصيات تؤخرنا وتعطلنا بل وتمنع مسيرتنا من الأساس دون أن تدري..بل وأحيانا بحسن النية
أولئك هم (العاجيّون) أصحاب برجهم العاجي العالي البعيد
هذه الشخصيات التى تخاف من خوض غمار تجربة جديدة, أو دخول مجال مبهوهم بالنسبة لهم, ويرفعون شعار

"إعطي العيش لخبازه"


وعندهم يقين راسخ أن خبازه لا يمكن أن يوجد في وسطهم, فطبيعة حياتهم لا يمكن ان تجعل منهم خبازون مهرة, أو فنانون , أو مبدعون

مغيرون حتى وإن ظنوا أنهم كذلك
الخلاصة
أن أي فكرة جديدة تطرح أمام (العاجيّون) يتخوفون من تجربتها ويتعللون بفشل التجارب السابقة في تحقيقها, وينتظرون أن يأتي فرج الله ليحل المشكلة ووتنجح التجربة ذاتيا دون الحاجة لأن ينزلوا من برجهم العاجي ليغبروا أقدامهم في
تراب التجربة
................
أي مسألة مستجدة
تحتاج لفرسان يخوضونها...يقدمون ويتمهلون , يجتهدون فيصيبون ويخطؤون, يفكرون فيصعدون ويهبطون
حتى يصلون إلى فكرة يستطيعون بها حل المستجدات دون إفراط أو تفريط

........
إن الهروب من الواقع السئ بزعم استحالة تغييره إلا عن طريق تقديم التنازلات لهو شماعة علق عليها الفاشلون فشلهم
أو غطى بها الكسالى كسلهم... وإرضاءا لأنفسهم آثروا أن يغلفوها بغطاء الحفاظ على الثوابت والقيم وما إلى ذلك
...........
أيها العاجيّيون

رفقا بنا
ورفقا بالأمة الموكوسة
ورفقا بأبناء الأمة وبناتها الذين تأخرونهم بكلامكم يوما بعد يوم



لا نشكك في نواياكم


ولا نطعن في إخلاصكم
غير أن الإخلاص والصدق لا يكفون وحدهم...إذا ما غاب عنصر فهم الواقع وإطلاق العنان للتفكير في إيجاد الحلول


الأمة قد اكتفت بما فيها من (العاجيّين)...وحققت اكتفاءا ذاتيا من الأبراج العاجية
وقد آن الأوان لأن تختاروا فيه بين شيئين
إما أن تنزلوا بأنفسكم لتخوضوا غمار التجربة وتجتهدوا فتصيبوا وتخطؤا

فإن أبيتم...فاتركوا غيركم من الذين كرهوا الأبراج العاجية أن ينزلوا ويبحثون هم عن حل
قد تكونون أنتم قد فشلتم في إيجاده

هناك 16 تعليقًا:

فوضى منظمة يقول...

بوست جميل أوي...الواحد ساعات حتى في معترك الحياه الشخصية العمليه بيحط نفسة في برج عاجي ويخاف يجرب او يتعلم ويعزل نفسه كثيرا عن الناس...بس تفتكر اصلا ان العاجيون يعتقدون انهم في برج عاجي..؟؟ أصل المشكلة ان الواحد يراهم كذلك وهم لايرون نفسهم كذلك ..ويرونك انت في برج عاجي وتعيش في اوهامك بعيدا عن الواقع..أو يرونك أنك في مقتبل العمر وشاب بقى كده وبتاع وتملك روح المغامرة ..وتفتقد الي نظرة الخبرة والشيوخ..على العموم التوازن مطلوب

بالتوفيق

أكرم يعقوب يقول...

حلوة أوى و أفتكر إن مفيش حياة أى حد فينا تخلو من العاجيين و دى كات سنة فى الأرض من زمان إن أى حد يفكر بطريقة جديدة الناس كانت بتقول عليه مجنون بس بيفرق بعد كدا من اللى هيوريهم هووا كجنون ولا هما اللى مابيفهموش و لازم فعلاً ناخد بلنا من العاجيين دول أوى ربنا معانى انشاء الله

Alaa يقول...

أعتقد أن كل واحد فينا عنده صفات كتير من العاجيين
لكن الاخلاص و تحديد النية صح
هيخلينا عارفين احنا رايحين فين
و ثابتين على الطريق

ربنا يباركلك يارب

Unknown يقول...

رفعت ازيك...يمكن ده أول مره اكتب تعليق علي مدونتك لكن شدني الكلام المره ديه عشان اعاجيون ده اسلوب متبع مش مجموعه من الأشخاص اه في ناس ده حياتهم لكن اللجوء للبرج مش معناه اني خايف أو اني عاوز اشيل ايدي من الموضوع ممكن عشان اعرف افكر كويس ممكن بروح البرج العاجي عشان ابعد نفسي عن الجو المشحون و حدد اتجهاتي و اشوف اننا ماشي صح ولا لاء...و اجمل حاجه انك يا ابو رفعت اني عرفت اجيبك عشان انت شخصيه جمياه جداً و روح إللهي تتجوز و نستريح من زنك

أحمد العوضي(عباس)ز

محمد رفعت يقول...

السلام عليكم يا بشر؟؟
معلش قلبتكوا في التدوينة اللى فاتت ونقلت تدوينة جديدة بسرعة
بس معلش
التدوينة دي أصلها كانت محشورة في زوري ولازم أكتبها
.....

يااااااااااااه

شاهينشي
حبيبي اللى لسة معرفوش
بس دخلت شفت تصميماتك حبيتك على طول
عامل أيه
نورت المدونة المتواضعة بتاعتي يا بشمهندز

رأيي يا شاهنشي
إن العاجيون مش بيبقوا حاسين إنهم عاجيون
لكن
بيبقوا حاسين إن العالم اللى تحت دول هما اللى منحرفين ومش محافظين على الثوابت وهينتكسوا وهيتخرب بيتهم
وكدة
وكل ده لأنهم في وضع مختلف قليلا
ومن حرصهم على الحفاظ على الثوابت ((أو ما بدا لهم أنه من الثوابت)) وخوفهم من تقديم التنازلات
والتى تبدأ بخطوة

وعلشان دكة المشي جنب الحيط أحسن واللى نعرفه أحسن من اللي منعرفوش

على فاكرة يا شاهنشي
أنا معجب جدا جدا بتصميماتك
ومحتاجك في مشروع لو عندك وقت
وانا أضفتك على الmessenger عندي علشان محتاج اكلم معاك

وبريدي الخاص هو
f_a_b_h@hotmail.com
وفي انتظارك إن شاء الله
......

أكرم العوضي
اخوبا وحبيبي وحبي الضخم
إزيك يا واد؟؟
مختفي ليه؟؟
طبعا كلامك حلو اوي
بس الموضوع مش مين بيفهم ومين مبيفهمش
هو بيبقى اختلاف في البيئة المحيطة واختلاف في طرق التفكير
وده مش عيب
العيب بقى
هو إن كل واحد ينكر على التاني حقه في التفكير اللى هو شايفه صح
طالما أن هناك من الشرع ما لا يخالف كلامه
وربنا يهديينا كلنا للحق
.....


علاء
عمي الكبير
رجل العلم نفس القديم
أرسطوا الإسلام
أو قل
ابن رشد أو ابن خلدون
نورت التدوينة يا جميل

.........

أحمد عباااااااااااااااس

يااااااااااااااااااااااه
واحشني يا بيج؟؟
إنت فين يا عم
مختفي كدة ومش عارفين نشوفك خالص

بص
انا أؤيد جدا هذا النوع من العاجيين اللى انت أشرت ليه
اللى بيحتاجوا فترة من الانعزال كل مدة لكي يعيدوا التفكير في أمورهم وهما ماشيين صح ولا لأ

لكن اختلافي مع نوع تانى من العاجيين

يلا
سلام عليكم

غير معرف يقول...

السلام عليكم الكلام ده حلو اوى لانى شايفه ان كل انسان فينا فى حتة من العاجيين لان كلنا بيجى علينا لحظات بنخاف من بكرة و من المجهول حتى بنخاف نواجه مشاكلنا بس بتبقه عند الناس بدرجات مختلفه فى اللى بيتحصن ببرجه العالى و فيه اللى بيستعين بالله و يقاوم و يحاول يصلح اللى حواليه و يارب نكون احنا من النوع ده ياسمين سعد

غير معرف يقول...

السلام عليكم ورحمه وبركاته



الفكره حلوه قوى



بس بجد العاجيين كتروا فى بلدنا قوى



واصحاب مبدا المشى جنب الحيط والباب الى يجيلك من الريح..........سده واستريح



وهوه احنا الى حنغير الكون


بجد الكلام ده بيدايقنى جدا


بجد نفسى تغير المبادىء دى


حاجات كتير قوى حتتتغير فى بلدنا

مصطفي النجار يقول...

ايه يارفعت الجمال دا .. انت وضعت ليدك علي الجرح اللي انا بعاني منه مع تعاملاتي مع هؤلاء اللي جابوا لي شلل أطفال وربنا يستر ما يجيبوش ليا عجز انت عارف نوعه.. المشكلة ان في توريث للموضوع دا بشوفه في الأجيال الجديدة التي أصبحت تحترف التنظير من بعيد وكذلك النقد من بعيد وهما لم يجربوا في حياتهم معني العمل والبذل ومواجهة المشاكل وحلها والتعلم بالممارسة والاحتكاك بالأكبر .. مكلمة والله يا ابن رفعت ربنا يساعدنا ونقدر مع بعض ننزل البشر دي أو علي الأقل نكشفهم أمام أنفسهم علهم يوما يفهمون

غير معرف يقول...

السلام عليكم يا محمد ماشاء الله الموضوع جامد
هو الرد اتاخر شويه بس المهم اننا ان شاء الله مش هنبقى من العاجيين احنا هننزل واما نوصل لهدفنا او نستشهد في سبيله
وفي انتظار المزيد
نيره

محمد رفعت يقول...

السلام عليكم
ودي كمان دفعة من التعليقات
أهلا أهلا بيكم كلكم

د/مصطفى , ياسمين سعد, ونيرة,مروة

نورتوا المدونة يا بشر..
وربنا يكرمكوا
أنا هنقل بقى على تدوينة جديدة على طول
علشان أنا بقى عندي حالة تدوينية سريعة
يلا
سلام عليكم

أحمد بن شلبي تكعيب يقول...

اخيرا .... بدأت ... تكتب ... حاجة... بيجي ... منها ... فايدة ... يا .... شخص .... لكن ... اسم .... العاجيين .... محتاج .... مراجعة

الطلحاوى يقول...

السلام عليكم ورحمة الله وبركاتة

اية ياولا الحلاوة دة جامدة اوى والله يابو رفعت التدوينة بس فى ملحوظة كدة

فى حاجة تانية كدة اسمها الفتوة لو تعرفها

اما يجى مثلا واحد يقولك تعرف كذا وكذا يقولك اةةةةة اعمل كذذا وكذا وهيبقى تمام


دة بيفتى مش بيساعدك فمش كل واحد مش بيعرف يعمل حاجة او مش او مش !!!! مش شرط انة يكون بيستضعف نفسة او شايف ان هو ضعيف او غيرة

لكن هو عارف ان مقدرتة دة

"رحم الله امرىء عرف قدر نفسة "


فالحكاية ان كل وحد لية قدرة ربنا وهبهالة هو بيعمل بيها

لكن حكاية ان هو يهبط من معنويات الى بيعرفوا يعملو الحاجة دة او غيرة او غيرة فدة بقى الى غلط

بس كدة


وحبى ليك ضخم

بس فى حاجة كدة ؟؟؟

هو بن شلبى ببيقول بدأت تدون حاجة مفيدة


صح؟؟؟

ولا انا مش واخد بالى


ابو شلبى والله انت حبيبى اوى بس عايزك تفهمنى التدوينة بتاعتك بتاعة الدنيا نسمة فى الكوباية دة قصدى فى الهوا


المهم

يلا السلام عليكم

محمد رفعت يقول...

السلام عليكم يا بشر

ابن شلبي...!!

قصدك أيه يا محترم؟؟
يا ذوق؟؟
...

شوشو
يلا مش مهم

غير معرف يقول...

u r sending unfocused, unclear messages in this post and who do u exactly mean by < 3ageyeen > ..
Sometimes u mentioned that they are good people but strong minded and other times u mentioned that they are the lazy people who dont want to pass on the experience..
it looks like a confused post!
it doesn't make sense; cause good people are trying to pass on the experience but dont give up their roots at the same time and thats totally right and respectable while lazy ones prefere to do nothing cause they are lazy by their nature..

محمد رفعت يقول...

السلام عليكم ورحمة الله وبركاته
حبيبي الأفرنجي
اللى بيدخل كل مرة وميكتبش اسمه
المهم
لو راجعت التدوينة وقرأتها بتأني
هتلاقي إن الكلام واضح جدا

أنا لم أقل أنهم كسالى
ولكن
في مطلع التدوينة قلت

متخوفون, مترددون, متشككون...حيارى أو تائهون
أولئك هم العاجيون

يعني هما يتخوفون من خوض تجربة جديدة خوفا من أن يتنازلوا عن ثوابتهم بسبب خطورة هذه التجربة ربما أو لقلة خبرتهم فيها وعدم قدرتهم على تخسل نجاحهم وبروزهم فيها مع محافظتهم على الثوابت

يعني بوضوح
لا بستطيعوا أن يتخيلوا المعادلة المتزنة التى تحوي نجاح التجربة والمحافظة على الثوابت ي الوقت ذاته

ويظنون أن تحقيق أحد الطرفين يستوجب بالضررة التنازل عن الطرف الآخر منها

ومن ثم
فهم يتصورون أنهم ليسوا أهلا لهذه التجربة أو هذا المجال
ولنترك المجال لمن هم أقل التزاما بالثوابت
مادام هي عندهم بايظة بايظة
لا ثوابت بقى ولا حاجة

فاهمني ولا لسة؟

غير معرف يقول...

السلام عليكم

انا عارفة ان الرد مش متاخر شوية دة متاخر جدا

المهم انا كنت عايزة احييك على الموضوع الرائع اللى انت فتحته دة

وان فى ناس فعلا كتير فينا بيخافوا ومترددين من مواجهة المخاوف والمستقبل بس احنا لازم نمنع تاثير الناس دى علينا لان لو فضلنا وراهم

كلنا هنبقى عاجيون وعمرنا ما هنتقدم ولو خطوة واحدة

هدى زكريـــــــا