الأربعاء، 12 سبتمبر 2007

رمضان...ومفهوم التلاوة التربو



كلام بيتقال


ها يا جماعة...هتختموا كام مرة السنة دي في رمضان
مين ناوي يختم سبع ختمات قرآن في رمضان
هيييييه...أنا
أنا ناوي أختم 15 مرة بعون الله
يا راجل 15 مين...ده انت راجل مبتديء بعون الله نجيب ال20 السنة دي
لأ بص...أنا إن شاء الله هختم ختمتين كل عشر أيام..وآجي في العشر الأواخر
أقوم خاتملي 3 مرات كمان كدة على خيرة الله
وربنا يتقبل
وعلى قد لحافك مد رجليك
وعلى قد ما تساع شنطتك....شيل



مفهوم عجيب

أتحدى القاريء الكريم ابن الحلال إنه ميكونش سمع كلام زي ده في اليومين اللي فاتوا
كلام منتشر بيتقال
ومفهوم عجيب مترسخ
مترسسسسسخخخخخخ
جدددددددداااااااااااااااااااااااااا

بصورة أثارت استفهامي كثيرا
هو أيه الحكاية
؟؟؟
أيه موضوع السبق في الختمات ده
من ساعة ما كنا بنروح الحضانة بالمريلة
والعيال بتسابق بعضها في رمضان على عدد ختمات القرآن
وماله
وكأن أهم حاجة في تعاملك مع القرآن...إنك تجيب ختمات اكتر
على أساس يعني
إن عيب عليك تكون راجل طويل عريض وانت شاب كدة عرض الحيط
وتختم ختمة واحدة يتيمة في رمضان
مش عيب عليكي يا آنسة...وانتى على وش جواز كدة
مش عارفة تشدي حيلك وتجيبلنا 3 أو 4 او 5 ختمات كدة
خلي الشعب ينبسط
((يا سبحان الله))


ألهذا أنزل


انتشار هذا المفهوم في التعامل مع القرآن وتلاوته
جعلني أتساءل
؟؟؟
ألهذا أنزل القرآن

؟؟؟؟؟
؟؟؟
؟؟
؟
أو قد أنزله الله سبحانه جل جلاله وعلا منزله فوق عرشه عز وجل
إلى عباده
كي يتسابقوا في كروتته وكلفتة تلاوته وابتلاع حروفه
حتى أن منهم من يخرج من التلاوة دون أن تهتز له شعرة
أو يقشعر له بدن
أو تنزل من عينيه دمعة
أو يتغير بداخله عزما وهمة
أو تتجدد روحه من جديد لمواصلة طاعة الله في هذه الدنيا
أو قد أنزله الله
ليقرأه الناس بسرعة الزريبو
فيأخذون على كل حرف حسنة والحسنة بعشرة إلى 700 ضعف
ثم لا يغير فيهم وفي إيمانهم وسلوكهم وأخلاقهم
وكفى أنهم قد حازوا من الحسنات مثل جبال تهامة
؟؟؟
أو قد أنزله الله من اجل هذا
؟؟؟؟
؟؟؟



هلا عاملته وكأنه رسالة من عزيز عليك

ممممم
فكرت في الأمر عندما قارنت
صف لي قراءتك
عندما تصلك رسالة على بريدك الإلكتروني من شخص عزيز عليك
بتقرا الرسالة إزااااااااااااي؟؟
بتفتح الرسالة
وتقرا حروفها بسرررررررررررررعة
وتخلصها بسرررررررررررعة
وتخرج منها مش فاهم ولا كلمة
طيب بلاش
لو كانت
الرسالة من مديرك في الشغل أو استاذك في الجامعة
وبيطلب منك في الرسالة بعض الطلبااااات
هتقراها إزاي
؟؟؟
ها
هتقف عند كل أمر ولا لأ
وهتركز في كل طلب ولا أهم حاجة تخلص الرسالة بسرعة
سبحان الله
هلا عاملت رسالة الله (( العظمى)) كما تعامل رسائل عباده
هلا خرجت منها واعيا للمطلوب
متأثرا بالوعيد
مشتاقا إلى الوعد والترغيب
شيء عجيب



علمني رسول الله


صلى الله على محمد الذي علم الأمة كيف تتعامل مع كتاب ربها
اقرأ بقلبك هذا الحديث الشريف الجميل

عن عبد الله بن عمرو ، قال : قلت : يا رسول الله ، في كم أقرأ القرآن ؟
قال اختمه في شهر ، قلت إني أطيق أفضل من ذلك ، قال : اختمه في عشرين
قلت إني اطيق أفضل من ذلك ، قال : إختمه في خمس عشرة
قلت إني أطيق أفضل من ذلك ، قال : إختمه في عشر . قلت إني أطيق أفضل من ذلك
قال : إختمه في خمس ، قلت إني أطيق أفضل من ذلك فما رخص لي

لقد أراد النبي
- صلى الله عليه وسلم-
أن يغرس في قلب الشاب المؤمن صاحب الهمة والحماسة
أن القرآن ما نزل ليكون ترانيم تردد وتهزرم هزرمة الشعر
وإنما
قد أنزل ليكون رسائل إلى الناس
يقرأونها ويفهموها بقلوبهم وعقولهم...فتغير فيهم
وتصنع منهم أفرادا يقودون الدنيا ويقيمون الحضارة ويصنعون النهضة
لا لإن يكونوا أفرادا يجيدون هزرمة القرآن كما يهزرمون الشعر
ولذا فكان الأحبّ إلى النبي أن يختم الشاب في فترة أطول
يعي فيها الآيات ويستنير بها قلبه
ويخرج من تلاوة القرآن بروح تسري في جسده
لا بكلمات تجري على لسانه بغير فهم ولا وعي
فما بالكم
وقد وُجد هذا الشاب في وسط صحابة رسول الله الكرام
وفي بيئة المدينة المنورة الطاهرة
ووقت نزول القرآن على رسول الله
وقد نهاه النبي أن يختم في اقل من خمس
بل وقد كان الأحب إلى قلب نبي الله أن يختمه في شهر
فكيف بأناس من أمثالنا
لا يقرأون القرآن إلى في مواسم الخير
ولا يتساوى إيمانهم مع إيمان أصحاب النبي
ففي كم نقرأ القرآن...حتى نعي منه ونرقى به
؟؟؟



علمني ابن مسعود


قرأت لابن مسعود رضي الله عنه كلمة جميلة
أحسست بعدها بمدى الفجوة الكبيرة
بين مفهوم تلاوتنا للقرآن...ومفهوم الصحابة للتلاوة
إذ يقول

(( لا يكن همّ أحدكم آخر السورة))

وهذا ما أقصد
مش المهم فاضل قد أيه
ولا المهم هنخلص قد أيه
ولا العبرة بمين قرأ أيه في كام يوم
المهم
مين اتغير في أيه
ومين اتأثر بأيه
ومين قرر يعمل أيه
بعد تلاوته للقرآن العظيم
وإذا نظرنا لكلمة رسول الله يوم قال
استقرئـوا القرآن من أربعة من عبـدالله بن مسعود
وسـالم مولى أبى حذيفة وأبي بن كعب ومعاذ بن جبل

فإننا نفهم بعدئذٍ أن ابن مسعود قد انتفع بتلاوته
وقد صنع القرآن من ذلك الغلام راعي الغنم
ذلك الرجل معلّم الأمم
وذلك
يوم أن تربى في مدرسة القرآن ولم يكن همه يوما
كم يقرأ من القرآن
ولا كم مرة يختم القرآن
ولكن كان همه

كيف يقرأ القرآن


..........

كيف نقرأ القرآن
إذا
؟؟


للحديث بقية
إن شاء الله

هناك 15 تعليقًا:

غير معرف يقول...

Gazak ALlah 7'ayran for this post. It's really gr8 (Y)

هبههههووب يقول...

جزاك الله خيرا
يا محمد
موضوع هايل جدا
ويبلغك ليله القدر
وربنا يثبتك يارب

فعلا موضوع هايل
انا معاك ف اننا ننوى نختم اكتر من ختمه ومش 3 ولا 4 ولا5 اكتر ان شاء الله
بس واحنا بنتكلم عن الوضوع مش عاوزين نعجز الناس
يعنى متجيش على واحد عمرة ما ختم ختمه واحدة وتقوله اختم 10 مرات
على الاقل اوى نقوله ختمه واذاى ويعمل ايه علشان يحققها
ولو عندة رغبه ممكن نقوله ختمه ف قيام وختمه قرأن ولو شديد اكتر يبقى ختمه ف العشرين الاوائل وختمه ف العشرة الاواخر وختمه قيام
وهكذا

انا كاتبه ف مدونتى بردو عن الموضوع دا ياريت تقولى رأيك او اى اضافه جديدة وانا اضيفها او انت ممكن تعلق وتبعت الموضوع للناس لو عجبك
http://hhaabbhhoobb.blogspot.com/

انا جبت البلوج بتاعك من ميل بعتهولى احمد سعد حاسبات

جزاك الله خيرا
وشكرا

محمد رفعت يقول...

السلام عليكم ورحمة الله وبركاته

أهلا أهلا باللي ربنا بلغهم رمضان
فبدأوا صيامه وقيامه
بجد هنيئا لكم
يا بختكوا
لا نشعر بمدى النعمة اللي ربنا أنعمها علينا
أكنه سبحانه وتعالى بيقولنا هغفرلكوا حتى لو انتوا مش عايزين
حتى لو متستحقوش
"والله يريد أن يتوب عليكم"

........

اما عن التعليقات ومعشر المزمرين عالمطب الرمضاني

أولا
بالنسبة للتعليق مجهول الصاحبة او الصاحبة

جزيتم خيرا على المرور ونتمنى مروركم دوما بإذن الله

....

ثانيا
الأخت الفاضلة هبهوووب

اهلا بيكي في المدونة

أنا متهيألي
إنك فهمتيني غلط شوية

لأن انا كان كلامي عكس ما قصدتي تقريبا

بس خير

ربنا يكرمك عالمرور وجزيتي خيرا
وانا مررت على مدونة لا إله ألا الله
فوجدتها جميلة ما شاء الله

Mai_Jeneen يقول...

عندي اخت كانت لسة بتكلمني عن الموضوع ده امبارح


و كانت بتتكلم عن التدبر و العمل

و ان الواحد مايحددش لنفسه ورد معين من الأجزاء يقرأه في اليوم ... لكن يحدد ورد معين من الوقت يقرأ فيه في اليوم



يعني يقول مثلاً انا حاقرأ يومياً ساعتين

و يهتم إنه يقرأبتدبر و خشوع ... و يستوعب أوامر الله و نواهيه

ممكن الساعتين كلهم يقضيهم بيقرأ اية واحدة مسته جداً فكررها طول الساعتين

و ان الواحد ممكن يقرأ قدر ضئيل لكن يستشعره و يتفهمه و يطبقه في حياته بدلاً من قراءة قدر كبير دون أن يمرره على قلبه

أسأل الله أن يجعلنا ممن يستمعون القول فيتبعون أحسنه

غير معرف يقول...

السلام عليكم و رحمة الله و بركاته

بوركت .. ده اذا كان فى الاستماع قال تعالى فى سورة الأعراف :" واذا قرئ القران فاستمعوا له وانصتوا لعلكم ترحمون " ..

يعنى مطالبين بالانصات مش بس الاستماع .. فمابالك بالقراءة !!!!

تدوينة موفقه جدا .. جزاكم الله خيرا

اللينك ده لكتاب :التدبر فى القرآن

لمؤلفه السيد محمد رضا الشيرازى

http://www.holyquran.net/tadabur/ATadaburFeeAl-Quran/index.html

محمد رفعت يقول...

السلام عليكم مرة تانية

جنين

بالظبط
هو ده اللي انا قصدته بالظبط
وهو ده اللى كنت نويت أتكلم عنه في التدوينة القادمة إن شاء الله
كدة بدأنا نتكلم كلام مفيد

وكدة بدأنا نحط إيدينا على طريق التعامل السليم مع القرآن
بوركتي
وجزيتي خيرا

......

دهاء سياسي

جزيتي خيرا على الإضافة
وعلى الكتاب المتميز جدا ما شاء الله

وأعجبني جدا الجملة اللي كتبها السيد محمد رضا في بدايات الكتاب
وهو يتحدث عن تعامل أكثرنا مع القرآن وهو يقول
"إنها تتعامل مع القرآن كحروف وكلمات ميتة، وليس كمفاهيم تنبض بالحركة والحياة. إنها تستمع إلى القرآن، وتتلوا آياته ولكن كتمائم سحرية، وطلسمات غيبية، لا يكاد أحد يفهم منها شيئاً. وبذلك أصبح القرآن حروف بلا معان، وكلمات بلا مفاهيم.

جزيتي خيرا

عبدو بن خلدون يقول...

فشطة عليك

غير معرف يقول...

السلام عليكم ورحمه الله وبركاته



تدوينه جت فى وقتها جداوموضوعها حلو قوى


لان للاسف اصبح قراءتنا للقران زى اى عمل روتينى بنعمله ونكلفته وننجزه



وده فى حد ذاته كارثه



انا مش بقول كلنا بس انا حاسه انه المعظم لانى النهاردهدار نفس الحوار مع زمايلى فى الجورنال وكل حد منهم بيقول حيختم كام مره حسيت انه سباق


بجد بقينا بنحول كل حاجه دينيه لدنيويه

ودى المشكله


ممكن اكون كبرت الموضوع شويه بس ده فعلا الى انا حساه

واسفه انى طولت

سمـــر مــاهر يقول...

جزاك ربى جنته

فى انتظار باقى الحديث

سلام عليكم

ا بـن عــمــر يقول...

جزاكم الله خيرا
اللهم اجعل القرآن لنا
نورا نمشى به في الناس
ندعوهم اليك
............
أفلا يتدبرون القرآن أم علي
قلوب أقفالها...
الهم اجعلنا
ممن عملون به
ويجلونه دستورهم

إنسان || Human يقول...

بالفعل ..والأدى والأمر أننا أصبحنا نتعامل مع ..نحطه في العربية في النيش ..نتبارك به ..زينة ...مهزله ومصيبة ..ألهذا نُزل القرأن ..نتبارك به في العزاء ونقرأه في الحفلات

إنسان || Human يقول...

دعوة لكل المدونين ..للإشتراك في إقتراحات لتدوينة في حب الرسول صلى الله عليه وعلى إله وسلم..للرد على الإهانة بكل اللغتين العربية والإنجليزية

ياسر مدني ...دينامو الإخوان يقول...

أدعوكم لإبداء الرأي في فوازير رمضان الشعريه(خلق وصحابي)للشاعر وليد الرفشي
ولا تنسوا
1-المشاركه
2-إبداء الرأي
3-مقترحات

منة النادري يقول...

السلام عليكم

بجد حلو اوى الموضوع

انك طرحته على مدونتك

لانه كان شاغل بالي اوى

وانا فعلا دايما بفكر في اننا ازاى نقرا القران واحنا مش فاهمينه

احنا لازم نفهمة ده الدستور بتاعنا يعني ده اللى ربنا هيحاسبنا عليه

يوم القيامة

يعني ده زى الكتالوج للحياة فلازم نفهمه كويس اوى

بس كانت المشكلة عندى انى مش بلاقي كتاب تفسير يعجبني اقرا منه او كنت بكسل بصراحة افتح القران والتفسير مع بعض

لكن انا لقيت حاجة حلوة اوى امبارح

عمرو خالد عامل حملة اسمها أمة أقرأ لازم تقرأ

وكل اسبوعين بينزل كتاب على الموقع

وبيناقشه

فهو الاسبوع ده منزل كتاب خواطر قرانية هو اللى كاتباه

فانا مزلته من على الموقع هو بجد كتاب حلو اوى انا بدات اقراه فيه

امبارح وفعلا مش عايزة اسيبه
ده رابط تحميل الكتاب

http://www.amrkhaled.net/downloads/b....cgi?book3.zip
ياريت تقروه كلكوا

منة النادري يقول...

معلشي انا اديتكو الرابط غلط


ده الرابط الصح

http://forum.amrkhaled.net/showthread.php?p=2614340#post2614340