الاثنين، 4 فبراير، 2008

وحشتيني


وحشتيني
أي نعم بالفعل....ده اللي حصل
ولما ده حصل..قررت إني لازم أدخل وأكتبلك إنك وحشتيني طحن
كل ما أقابل حد ويقولي إنه شافك...ويعرف إنك تبعي..يهزأني
يقوللي يا ابني..إنت معندكش دم..

أنا معنديش دم؟!!...شفتي بتهزأ بسببك من كل مخاليق ربنا إزاي!! ..يلا فداكي
مش خسارة فيكي..إنتي عندي حاجة كبيرة طحن..حاجة ضخمة..حاجة مبهوأة كدة في القلب
وفعلا الكام يوم الآخرانيين دول..كل ما اروح مكان أو آجي بيتنا أو أدخل أنام..ألاقيكي قدامي كدة وبتاع
وحسيت إني مينفعش أخبي أكتر من كدة..
لو كتمت في قلبي أكتر من كدة هفطس
وأكيد ميرضكيش بردو إني أفطس ...حتى لو عشانك
ما انا لو فطست مش هيبقى ليكي حد بعدي..ومحدش هيسمعلك حس في الدنيا
لأن محدش عارف كلمة السر غيري..
وعلشان كدة كان لازم أرجع وأخبط كلمة السر واسم التسجيل..
وحتى لو حاولوا يفرقوا بيني وبينك بظروف النت اللي واقع ليل نهار ده ..

وحشتيني يا مدونتي الغالية

هناك 8 تعليقات:

Akram يقول...

افتكر ممكن تصدق بعد كل الجفاء والتنفيض و الكره اللى انت مااعلنتهوش بس تصرفاتك معاها كانت بتقول كدا....؟ ممكن هيا تصدق و تسمحلك....؟ تتوقع الناس ممكن يصدقوك.... ازاى و هيا ممكن تكون مش مصدقاك؟كان نفسى يكون فى حاجة بتقفل المدونة بعد فترة لو صاحبها نسيها زى حالاتك كدا عشان تحافظ على كرامتها.
و كل دا غير انك مهتمتش لأى حد بيحبها أو حتى صاحبها احب اقوللك إن أنا مش عارف هيا لو فى اديها إنها ترد عليك كانت هتعمل غير غير إن أنا بسمع صوت قلم جامد أوى فى حد خد على وشها أنا سامع صوت طرقعته بودنى و أنا بكتب الكلام دا.

ربنا يسامحك



أكرم محمدالعوضى

هبههههووب يقول...

بجد بجد بجد افتكرتك بتتكلم عن حبيبتك فعلا
سرحت كتييير وف الاخر تتطلع جماد
دى معندهاش دم خالص
اقصد مش حاسه بيه
----
مرحبا بيك ف مدونتك
نورتها....الى المام وعايزين نقرأ لك بوستات حلوة
وبلاش تسرح بينا
سلام مؤقت

محمد رفعت يقول...

أكرم محمد عباس العوضي
ياض انت مفيش مرة تطلع من لسانك كلمتين نضاف
أما إنك وغد حقا
:D
وبعدين ملكش دعوة
انا وهي ومحدش يتدخل بينا يا أخي
أما أمرك غريب صحيح
........
وكمان أيه أي حد بيحبها دي
فاتحينها سبيل احنا؟؟

ثم هي عارفة كويس إن الجفاء والتنفيض والكلام ده كله من ورا هارتي
أي من ورا قلبي

لعلمك..
هي ممكن تكون مضايقة أه
بس دي حاجة مؤقتة كدة يا برنس
وبكرة كل حاجة تبقى أحلى إن شاء الله
:)

..........

هبة

أسعدتنا زيارتك الأولى - تقريبا لمدونة -
وانا دخلت مدونتك المتميزة بردو
ربنا يكرمك

Akram يقول...

احب اقوللك إنى بجد منبهج طحن و مزبرنشق آخر حاجة بس يارب ميطلعش زى كل مرة و أنا لسه مستنيك

د .مصطفي النجار يقول...

يلا يا ابن رفعت اصحي

هبة مدكور يقول...

عودا احمدا يامحمد

واكيد هى مش زعلانة منك مدام رجعتلها تانى

bob يقول...

بجد
COOOOOOOOOOOOOOL
تخيلت الكلام ف اتجاه تانى وضحكت جدا
لما عرفت انها ف طريق تانى

محمد رفعت يقول...

هبة
ربنا يكمك على المرور والتعليق..
ومش شرط تكون مش زعلانة
ما هو ممكن تطلع شعنونة ودماغها ضاربة وتبقى عاملة فيها وديعة كدة قدامي بس
:)

.........

اما الشاب bob
إزيك يا برنس؟؟

coool
وماله
أهم حاجة انت كويس

ونورت المدونة بخطوتك يا صاحبي