الجمعة، 15 فبراير، 2008

أعجب العجاب



أحيانا...

في وسط ما النفر (يعني الشخص) بيتمشى بين جنبات الحياة الدنيا اللي مطلعة عينه..

بيحس إنه محتاج روحه ترفرف فوق كدة...

من كتر زحمة المشغوليات والمسؤوليات والأعباء والهموم والفتن والمشاكل وما إلى ذلك..

تلاقي النفر ده..محتاج يشم نفسه كدة

شمممممممممم

ولما الواحد بيدور على طريقة ترفرفله روحه...دايما بيلاقي كلام ابن القيم على قلبه زي العسل

أنا بحب الراجل ده يا بشر..وبحب كلامه أوي..وبحب إحاسيسه

انطلقت بين رفوف الكتب باحثا عن كتابه (الفوائد) لعلّي أجد فيه ما يرفرف الروح :)
ولما كنت بقلب في الصفحات يمين وشمال...وقفت بعيني عند فائدة من الفوائد...ما شاء الله

رائعة..جميلة...ممتازة..حاجة كدة..ترد الروح :)

اسمها



(أعجب العجاب)

من أعجب الأشياء أن تعرفه ثم لا تحبه , وأن تسمع داعيه ثم تتأخر عن الإجابة
وأن تعرف قدر الربح في معاملته ثم تعامل غيره , وأن تعرف قدر غضبه ثم تتعرض له
وأن تذوق ألم الوحشة في معصيته ثم لا تطلب الأنس بطاعته
وأن تذوق عصرة القلب عند الخوض في غير حديثه والحديث عنه
ثم
لا تشتاق إلى انشراح الصدر بذكره ومناجاته
وأن تذوق العذاب عند تعلق القلب بغيره
ولا
تهرب منه إلى نعيم الإقبال عليه والإنابة إليه

وأعجب من هذا
علمك أنك لابد لك منه , وأنك أحوج شيء إليه
وأنت عنه معرض , وفيما يبعدك عنه راغب

هناك 5 تعليقات:

Akram يقول...

أنا اتوجعت أوى بس قريب إن شاء الله
و بجد بنالقيم أصلاً رجل أنا الراجل دا بحسه حجاة كدا وهمية أوى بجد راجل معدى



أكرم العوضى

دهاء سياسي يقول...

السلام عليكم و رحمة الله وبركاته

الفوائد لابن القيم أروع ما قرأت عيني من الكتب البشرية على الاطلاق .. فعلا هو بلسم الروح ..

سلمت يداك :)

و حمدا لله على عودة المدونة للحياة مرة أخرى :)

محمد رفعت يقول...

اكرم محمد عباس العوضي
الرجل الذي بأس به

الشاب اللي مبيعرفش يتقل عليا
ونفسه مش بتطاوعه إنه ميدخلش عالمطبات

قشدة عليك يا بورنجل
وعقبال ما نشوفك حاجة كدة زي الأستاذ/ سمير رجب أو أ/أسامة سرايا
........

دهاء سياسي

أحد الزوار الدائمين للمطبات بالرغم من العطلة والبيات الشتوي اللي بتحصل عالمدونة
:)
الفوائد لابن القيم فعلا زي ما قلتي
بلسم الروح

وكل كتب ابن القيم بتعمل حاجة غريبة في البني آدم

ربنا يحشرنا معه يوم القيامة

هبة مدكور يقول...

(ربنا يحشرنا معه يوم القيامة)

امين يارب

بجد كلامه حلو اوى واثر فيا جامد

بس مش ده المهم

المهم اننا نعمل بيه مش مجرد اتأثر وخلاص

ربنا يهدى الجميع يارب

محمد رفعت يقول...

ربنا يكرمك يا هبة
على عودتك لزيارة المدونة

وجزيتي خيرا على التعليق